"Барселона" Мартинесни "вариант"га сотиб олмоқчи. Чунки...

Каталониянинг "Барселона" клуби "Интер" ҳужумчиси Лаутаро Мартинесни қўлга киритишдан умидини узмаяпти.

Calciomercato нашри тарқатган хабарга кўра "кўк-анор ранглилар" 22 ёшли аргентиналик футболчининг шартномасида кўрсатиб ўтилган 111 миллион евролик товон пулини тўлашга тайёр. Бироқ, “Барса” раҳбарияти молиявий фэйр-плей қоидасини бузмаслик учун ушбу маблағни қисмларга бўлиб тўламоқчи.

Маълумот учун, Мартинес жорий мавсум “Интер” сафида 29 та ўйинда майдонга тушди ва 16 та гол ҳамда 5 та голли узатма ёздириб қўйишга эришди. Унинг клуб билан амалдаги шартномаси 2023 йилга қадар имзоланган.

Эслатиб ўтамиз, "Барселона" асосий ҳужумчиларини узоқ муддатга йўқотгани боис трансфер ойнаси ёпилганига қарамай унга янги ҳужумчи сотиб олиш имконияти берилди.