"Барселона" молиявий қийинчиликлар "Атлетико"ни Альваресни сотишга мажбур қилади деб ҳисобламоқда

"Барселона" ҳали ҳам Мадриднинг "Атлетико" клуби ҳужумчиси Хулиан Альваресни ўз сафида кўриш ғоясидан воз кечгани йўқ.

Каталония клуби раҳбариятининг фикрича, "Атлетико" молиявий вазият туфайли аргентиналик форвардни сотишга мажбур бўлиши мумкин. Sport нашри ёзишича, мадридликлар ёзги трансферлар учун аллақачон 80 миллион евродан ортиқ маблағ сарфлаган, бироқ жамоани тарк этиши кутилган бир қатор футболчилар бўйича келишувлар секинлашиб қолган. Шу боис, агар қимматбаҳо футболчилардан бошқаларига жиддий таклифлар тушмаса, клуб Хулиан Альварес бўйича таклифни кўриб чиқишга мажбур бўлиши эҳтимолдан ҳоли эмас.

Transfermarkt портали мутахассислари Хулиан Альвареснинг бозор қийматини 100 миллион евро атрофида баҳоламоқда.