"Барселона" ўз "афсонаси"ни сотишга қарор қилди

L’Esportiu de Catalunya нашри тарқатган хабарга қараганда, "Барселона" клуби ва Дания терма жамоаси ҳужумчиси Мартин Брейтуэйт жорий ёзги трансферлар даврида жамоасини ўзгартириши мумкин.

Юқоридаги манбага кўра, "кўк-анор ранглилар" Брейтуэйтни сотишга қарор қилишган. Каталонияликлар раҳбарияти ушбу трансфердан тахминан 10-15 миллион евро ишлаб олишни режалаштирмоқда.

Ўз навбатида, Брейтуэйт “Евро-2020”да намойиш этган ўйини билан кўплаб Европа клубларининг эътиборига тушгани айтилмоқда.

Мартин ўтган мавсум Ла Лигада жами 29 та ўйинда майдонга тушди ва ўз ҳисобига 2 та гол ёздириб қўйди.