Ҳусанов ва “Реал”: “Манчестер Сити” трансферга рози, фақат...

Европадаги бир неча манбалар 21 ёшли ўзбек ҳимоячисини “Ливерпуль” тўлиқ трансфер қилишга тайёр экани, Франция чемпионатида пешқадамлик қилаётган “Ланс” чемпионликка курашиш учун Абдуқодирни мавсумнинг иккинчи ярми учун ижарага сўраётгани ҳақида маълумотлар чиқди.

Қишки трансферлар ойнаси очилишига бир неча кун қолган паллада Ўзбекистон миллий терма жамоаси ҳимоячиси Абдуқодир Ҳусановнинг атрофидаги хабарлар оқими яна кенгая бошлади.

Шунингдек, Испаниянинг энг нуфузли манбаларидан ҳисобланган fichajes.net нашри Мадриднинг “Реал” клуби ҳимоя чизиғида юзага келган муаммоларнинг қисқа муддатли тезкор ечими сифатида Ҳусановни ижарага олмоқчи экани ҳақида ёзди.

Sports.uz портали айнан мана шу масалага чуқурроқ тўхталишни маъқул топди.

Аслида “Реал” Абдуқодир Ҳусановни футболчи “Ланс”да порлаган мавсумдан бери кузатиб келади. Мадридликлар 2025 йилнинг бошида трансферга улгурмай қолгани ёзилган эди. “Қироллик клуби” Ҳусанов трансферини 2025 йилнинг ёзида ҳал қилмоқчи бўлган. Бироқ “Манчестер Сити” бир уринишда 40 миллион евро тиккан ҳолда масалани ўз фойдасига буриб юборди.

Жорий мавсум бошидаги кетма-кет икки жароҳат оқибатида Ҳусанов Хосеп Гвардиола жамоасида бошланғич таркибдаги жойини йўқотиб қўйди. “Реал” етарли даражада ўйин амалиётига эга бўлмаётган ўзбек футболчисини нишонга олгани бежиз эмас. Мадридликлар  қишки трансфер бозорида эҳтиёткорлик билан ҳаракат қилиш мақсадида тезкор ва йирик инвестицияларсиз мудофаани кучайтириш йўлини Ҳусановни ижарага олиш вариантида, деб ҳисоблаяпти.

Ҳусанов – “Реал” лойиҳасига мос ва муносиб вариант

“Реал” раҳбарияти Абдуқодир Ҳусанов бўйича “Манчестер Сити”га ўз қизиқишини билдирди.  “Шаҳарликлар” асосан захирада қолиб кетаётган ўйинчининг ривожланишига тўсқинлик қилмаслик учун унга доимий ўйин амалиёти зарурлигини тушуниб турибди. Шу сабабли, ижара варианти тобора оммалашиб бормоқда, айниқса, агар манзил Мадриднинг “Реал” клуби даражасидаги жамоа бўлса, бу айни муддаодир.

“Реал” мутасаддилари Ҳусановнинг жисмоний кўрсаткичлари, бош билан ўйини ва ўсиш салоҳиятини юқори баҳолаяпти. Уларнинг мақсади – молиявий барқарорликка хавф туғдирмаган ҳолда, биринчи кундан рақобатга кириша оладиган ёш ҳимоячини жалб қилиш.

Абдуқодир Ҳусанов – узатмалар аниқлиги яхши бўлган ва турли ҳимоя схемаларига мослашиш қобилиятига эга замонавий марказий ҳимоячи. Бу хислатлар тиғиз ўйин графиги учун универсал футболчи излаётган “Қироллик клуби” эътиборини тортди.

Ўзбек ҳимоячиси “Манчестер Сити”га ҳам бугун, ҳам келажак ўйинчиси сифатида ўтган эди, бироқ жамоа ичидаги кучли рақобат унинг ўйин вақтини кескин қисқартириб юборди. Ўйин амалиётининг етишмаслиги унинг бошқа клубга вақтинчалик ўтишига йўл очади.

Гап фақат Ҳусановнинг футболида эмас!

Соф спорт жиҳатидан ташқари, Абдуқодир Ҳусановнинг келиши “Реал” учун институционал таъсирга ҳам эга. Клуб анчадан бери халқаро экспансия (кенгайиш) учун янги йўлларни ўрганмоқда.

Ўзбекистонлик футболчининг келиши “Реал”га бренд ўсиши учун стратегик муҳим минтақа ҳисобланган Осиё бозорида ўз позицияларини мустаҳкамлашга ёрдам беради. Бу омил ҳал қилувчи эмас, лекин у умумий баҳога қўшимча балл қўшади.

Клуб замонавий футбол майдонидан ташқарига чиқишини ва маълум бир харидлар бир вақтнинг ўзида ҳам спорт, ҳам тижорат учун фойдали экани яхши тушунади.

“Манчестер Сити” Ҳусанов бўйича музокараларга тайёр

“Манчестер Сити” Абдуқодир Ҳусановга қимматли ўйин тажрибасини олишга имкон берадиган ижарага қарши эмас. Инглиз клуби ўйинчини захирада ушлаб туришдан кўра, унинг ривожланишини устувор, деб билади.

Музокаралар ҳозирча бошланғич босқичда, бироқ “Реал” томонидан билдирилган қизиқиш ижобий қабул қилинди. Ҳаммаси ижара шартларига ва мавсумнинг қолган ойлари учун маошнинг тақсимланишига боғлиқ бўлади.

“Манчестер Сити” келажак учун муҳим сармоя деб ҳисоблайдиган бу ўйинчи билан бутунлай хайрлашиш ниятида эмас.

“Реал” шошилмаяпти, лекин қарор қабул қиладиган вақт яқин

“Қироллик клуби” Ҳусанов трансфери масаласида шошилмаяпти ва ҳар бир қадамни синчиклаб ўйлаб кўрмоқда. Уларнинг устувор вазифаси – молиявий барқарорликни сақлаб қолган ҳолда ва келажакдаги стратегик харидларга тўсқинлик қилмасдан мудофаани кучайтиришдир.

Абдуқодир Ҳусановнинг ижараси клубнинг кўплаб талабларига жавоб беради: ёшлик, салоҳият, хавф даражаси паст ва тезкор интеграция. Шу сабабли, ушбу вариант уларнинг спорт режаларининг асосий қисми бўлиб қолмоқда. Якуний қарор яқин ҳафталарда кутилмоқда.

“Реал” рақобатбардошликни ошириш учун бозордан фойдаланмоқчи эканлигини аллақачон аниқ ва очиқ билдирди, “Манчестер Сити” варианти реал имконият сифатида кўринмоқда.

18 ёшли Нурали Абдуқодир Ҳусанов изидан Европага йўл олди

Шомуродов 2025 йилнинг сўнгги ўйинини ҳам “ёндирди”!

Каннаваро: Кутиб чарчадим!

Фабио Каннаваро “ЖЧ-2026” олдидан барча муаммоларни очиб берди

Гвардиола Ҳусановни танқид қилган мураббийни “разбор”га чақирди

Ниҳоят, Ҳусановни майдонда кўрамиз!