"Барселона" португалиялик ҳужумчини ўз сафига қўшиб олиши мумкин

Мадриднинг “Атлетико” клуби ҳужумчиси Жоау Фелиш “Барселона”га ўтиш орзусига етиши мумкин. Португалиялик футболчи яқинда интервью бериб, "кўк-гранаталар" жамоасида ўйнаш орзуси ҳақида гапирган эди.
Журналист Ману Сайнснинг ёзишича, "Барселона" раҳбарияти Фелишнинг трансферини молиявий томондан кўтара олишига ишонмоқда. Каталонияликлар "Атлетико" Жоауни яна ижарага беришга рози бўлишига умид қилмоқда.

Эслатиб ўтамиз, 24 ёшли ҳужумчи ўтган мавсумнинг иккинчи ярмини Лондоннинг "Челси" жамоасида ўтказди ва у АПЛда учта гол урди.