"Barselona" prezidenti Dembelening sotilmasligiga kafolat berdi

“Barselona” klubi vingeri Usmon Dembele yangi mavsumni ham “Kamp Nou”da o‘tkazadi.

Cadena Ser nashri tarqatgan xabarga ko‘ra 22 yoshli frantsiyalik futbolchining agenti yaqinda kataloniyaliklar prezidenti Xosep Bartomeu bilan uchrashgan va mijozi joriy transferlar davrida boshqa jamoaga sotib yuborilmasligi borasida kafolat olgan.

Eslatib o‘tamiz, bundan avvalroq “Barselona” Neymar evaziga PSJga Dembelening xizmatlarini taklif qilayotgani haqida xabarlar tarqalgan edi.

Ma’lumot uchun, Dembele o‘tgan mavsum “ko‘k-anor ranglilar” safida jami 43ta o‘yinda maydonga tushdi va o‘z hisobiga 14ta gol yozdirib qo‘yishga erishdi. Uning klub bilan amaldagi shartnomasi 2022 yilga qadar imzolangan.