"Барселона" президенти: Месси жамоада қанча хоҳласа, шунча ўйнайди

"Барселона" клуби президенти Жозеп Бартомеу жамоанинг кўп йиллик етакчиси Лионель Мессининг келажаги борасида ўз фикрини билдириб ўтди.

Қайд этиш лозимки, аргентиналик футболчи июнда 32 ёшга тўлади. Унинг каталонияликлар билан амалдаги шартномаси 2020 йилга қадар имзоланган.

“У нега 45 ёшгача ўйнаши мумкин эмас? Ишончим комилки, Месси яна 3, 4, 5 йил бемалол ўйнайди. Балким ундан ҳам кўпроқ бўлиши мумкин. У жамоада қанча ўйнашни хоҳласа, шунча ўйнайди.

Биз Месси фаолиятини якунлашига тайёрланишимиз керак. Лекин, менимча бунгача ҳали вақт кўп”, - дейди Бартомеу.

Эслатиб ўтамиз, Месси 2003 йилдан буён “Барселона” шарафини ҳимоя қилиб келмоқда. У ўтган давр мобайнида жами 683та ўйинда иштирок этди ва 600та гол уришга эришди.