"Барселона" президенти нима учун Мино Райола билан учрашди?

"Барселона" президенти Жоан Лапорта "Боруссия" Дортмунд ҳужумчиси Эрлинг Холанднинг агенти Мино Райола билан учрашди, дея ёзмоқда De Telegraaf.

Манбанинг хабарига кўра, учрашувда "Барса"нинг маслаҳатчиси Йорди Кройфф ҳам қатнашган. Томонлар Эрлингнинг трансферини муҳокама қилган. 

Қолаверса, каталонияликлар Райоланинг яна бир мижозига қизиқиш билдирмоқда. Клуб "Аякс" футболчиси Нуссаир Мазрауини ўз сафига қўшиб олишга тайёр.

Лапорта ушбу маълумотни тасдиқламади, бироқ ёзда юқори сифатли трансферлар кутилиши кераклигига ишоро қилди.