"Barselona" prezidenti "Real" haqida qattiq gaplarni aytdi

"Barselona" prezidenti Joan Laporta bir guruh klub muxlislari bilan uchrashdi. U "Negreyra ishi" deb atalgan voqeada "ko‘k-anorranglilar" aybsiz ekaniga muxlislarni ishontirdi.

“Ular bizga qarshi hech narsaga ega emas. Vaziyat bo‘rttirilgan. Ushbu kompaniyalardagi odamlardan biri [Negreyra] hakamlar texnik qo‘mitasi vitse-prezidenti edi. Ammo u biror narsaga ta’sir o‘tkazish imkoniyatiga ega emas edi, chunki hakamlarni u tayinlamagan”, - dedi Laporta.

Avvalroq "Barselona" hakamlar uchun pul o‘tkazgani haqida xabarlar tarqalgan edi.

Bundan oldin "Real" ham bu ishda ishtirok etishga qaror qilgani haqida Laporta shunday degan edi:

-Azaldan hakamlar yordam berib kelgan klub endi jabrdiydaga aylanib qoldi. Bu bema’nilik.