“Барселона” қишда олинадиган футболчилар номини ошкор қилди

“Барселона” қишки трансферларда фаол қатнашишга тайёргарлик кўрмоқда.

Рональд Куман талабига кўра, клуб раҳбарияти январда “Лион”дан ҳужумчи Мемфис Депайни ва “Манчестер Сити”дан ҳимоячи Эрик Гарсияни сотиб олишга ҳаракат қилади. Депай масаласида каталонияликлар ортиқча қийинчиликка дуч келмайди. Бир неча ой олдин ҳужумчи учун 25 миллион евро талаб қилган французлар қишда нидерландиялик тўпурарни 5 миллион еврога қўйиб юборишини билдирган.

“Шаҳарликлар” раҳбарияти  Эрик Гарсияни янги битимга кўндира олмади.  Шунинг учун испан футболчиси ёзда текинга кетиб қолмалсиги учун уни қишда сотиб юбориш керак. Бироқ, Гарсияга Англиянинг ўзидан қатор таклифлар борлиги “Барселона”га  халақит қилиши мумкин.