“Барселона” раҳбари даҳшатли мағлубиятдан кейин нима деди?

Чемпионлар лигаси чорак финалда “Бавария”га 2:8 ҳисобида бой берилган ўйиндан кейин “Барселона” президенти Бартомеу мухлислардан узр сўраб, тегишли чоралар кўрилишини маълум қилди.

- “Бавария” зўр ўйнади ва ғалабага муносиб эди. Биз ўз даражамизни кўрсата олмадик. Бу даҳшат ва биз тегишли қарорларни қабул қиламиз. Баъзи ўйлаб қўйган ишларимиз бор. “Барселона” мухлисларидан узр сўрайман. Бу биз кўришни истаган “Барса” эмас, - деди клуб раҳбари.

“Барселона” 1946 йилдан бери илк маротаба битта ўйинда 8 та гол ўтказиб юборди.