«Barselona» ro‘yxatida 2–3 hujumchi bor, «Inter» forvardi Lautaro ulardan biri

«Inter» klubi hujumchisi Lautaro Martines faoliyatini Ispaniya chempionatida davom ettirishi mumkin. Insayder Florian Plettenbergning «X» ijtimoiy tarmog‘ida xabar berishicha, argentinalik futbolchi hujumchi pozitsiyasi uchun «Barselona»ning qisqa ro‘yxatiga kiritilgan.

Manbaga ko‘ra, 28 yoshli forvard nomzodi kataloniyaliklar shtabida muhokama qilingan va atroflicha o‘rganilgan. Bitim yopiq transfer oynasi tugaguniga qadar, ya’ni 1 sentyabrga qadar amalga oshishi mumkin. Xabarlarda ta’kidlanishicha, «Barselona»ning markaziy hujumchi («to‘qqizinchi raqam») pozitsiyasi bo‘yicha short-ro‘yxatida jami ikki-uch nafar futbolchi bor.

Avvalroq tarqalgan ma’lumotlarga ko‘ra, agar «Barselona» «Atletiko» bilan hujumchi Xulian Alvares transferi bo‘yicha kelishuvga erisha olmasa, Lautaro Martines asosiy o‘rnini bosuvchi variant sifatida ko‘rilgan. OAV ma’lumotlariga ko‘ra, «Inter» o‘z yetakchi hujumchisini taxminan 120 million yevro atrofidagi summa evaziga qo‘yib yuborishga tayyor.