"Барселона" собиқ устози каталонияликлардан қасос олмоқчи эмас

Якшанба оқшомида "Барселона" Испания чемпионати доирасида "Атлетик"ни қабул қилади. Эрнесто Вальверде 2020 йилнинг январида истеъфога чиқарилганидан кейин илк бор “Камп Ноу”га қайтади. Ҳозирда басклар бошқарувида ишлаётган мутахассис қасос ҳақида ўйламаётганини айтди.

“Ғалаба ҳақида ўйлаяпман. Лекин мен "Барса"дан реванш олмоқчи бўлганим учун эмас, биз уч очкони қўлга киритиб, ўзимиз учун лойиқ бўлган ўринни эгаллаш учун ғалаба қозонмоқчиман. Биламан, "Камп Ноу"дан 3 очко билан қайтиш қийин бўлади, чунки "Барселона" Ла Лигада жуда яхши ҳаракат қилмоқда.

Агар “Барселона”да ўзимни таниган одам билан учрашсам, у билан саломлашаман ва кейин уларни мағлуб этишга ҳаракат қиламан”, — деди Вальверде.