"Барселона" сотиб олган янги футболчисини таништира олмайдиган бўлди

"Барселона" қишки трансфер ойнасида биринчилардан бўлиб футболчи сотиб олди.

Каталонияликлар харид қилган "Манчестер Сити" вингери Ферран Торрес трансферини эълон қила олмайди. Бунга бюрократик тўсиқлар сабаб бўлмоқда. Яъни, "кўк-анорранглилар" ҳали инглиз клубидан трансферни якунлаш учун керакли ҳужжатларни олмаган. Бунгача, келишув расман эълон қилинмайди.

Испан ОАВ хабарига кўра, томонлар шартномани Ла Лига молиявий фэйр-плей ва иш ҳақи бўйича талабларига мослаштириш ишларини олиб бормоқда. Маълумот учун, Торрес каталонияликларга 55 миллион еврога тушди. Шунингдек, бонус сифатида 10 миллион евро берилиши кўзда тутилган.

21 ёшли футболчи жорий мавсум "Сити" либосида 7 учрашувда майдонга тушиб, 3 гол ва 1 ассист муаллифига айланган.