"Барселона" текинга футболчи олади

Лондоннинг “Арсенал” клуби футболчиси Эктор Бельерин 2021/2022 йилги мавсум "Бетис"да ижара асосида ўйнади. Ёзда ҳимоячи "тўпчилар" сафига қайтди, аммо Микель Артета унга ишонч билдирмаслигини маълум қилди.

Миш-мишларга кўра, Бельериннинг хизматлари "Бетис" ва "Барселона"га таклиф қилинган. Журналист Жерар Ромеро хабарига кўра, 27 ёшли футболчи катта эҳтимол билан "Камп Ноу"га йўл олади. Қайд этилишича, каталонияликлар Бельеринни текинга, яъни футболчи “Арсенал” билан шартномасини бекор қилгач шартнома имзолайди.

Ўз вақтида Эктор Бельерин "Барселона" академиясидан чиққан ва у ердан "Арсенал" академиясига кўчиб ўтган.

“Тransfermarkt” маълумотларига кўра, Эктор Бельериннинг нархи 20 миллион еврони ташкил қилади.