“Барселона” тўрт ўйинчидан бирини танлайди

“Барселона” раҳбарияти таркибни кучайтириш учун трансферлар бозорига кирадиган бўлди. Бош мураббий Хави Эрнандес майдон марказини мустаҳкамлашни режалаштирмоқда.

Таянч ҳудудни ушлаб турадиган ўйинчи қидириляпти. Ҳозирча, каталонияликлар бу позицияга учта номзод топди.

Mundo Deportivo нашрининг ёзишича, Хави Эрнандесга “Реал Сосьедад”даги Мартин Субименди, “Ньюкасл”даги Бруно Гимараэш ва “Аталанта”даги Эдерсон дос Сантос каби футболчиларнинг ўйини маъқул келган.  

Илгари бу вазифани Серхио Бускетс бажарарди. Бироқ молиявий ҳолат ёзда унга муносиб ўринбосар топиш имконини бермади.

Агар юқорида номи келтирилган футболчилар каталонияликларга қимматлик қилса, скаутлар арзон алтернатив сифатида “Фейеноорд”дан Матс Вифферни олишни маслаҳат беряпти.