"Барселона" ва "Лацио" "Милан" футболчиси учун курашади

"Барселона" ва "Лацио" клублари "Милан" ҳимоячиси Алессио Романьоли учун кураш бошлади. Бу ҳақда Tuttosport нашри хабар тарқатмоқда.

Юқоридаги манбага кўра, ҳар иккала клуб ҳам 25 ёшли италиялик футболчини мавсумлар оралиғида сотиб олишга уриниб кўради. Ушбу трансфер эса 50 млн еврога баҳоланмоқда.

“Милан” Алессио Романьолини 2015 йил “Рома”дан 25 млн евро эвазига сотиб олган эди. Унинг “россонерилар” билан амалдаги шартномаси 2025 йилга қадар имзоланган.