"Барселона" ва "Ювентус" ёзда ўзаро футболчи алмаштирмоқчи

Каталониянинг "Барселона" клуби "Ювентус" хавбеки Миралем Пьянични ўз сафида кўрмоқчи. Бу ҳақда Mundo Deportivo нашри хабар тарқатмоқда.

Юқоридаги манбага кўра, “кўк-анор ранглилар” босниялик футболчи эвазига “кекса синьора”га бразилиялик ярим ҳимоячи Артур Рамосни беришга тайёр.

“Юве” ҳам Пьянични “Барса” футболчиси билан алмаштиришга тайёр. Боиси, Миралем сўнгги пайтларда жамоа бош мураббийи Маурицио Сарри билан келиша олмай қолган.

Айни дамда Пьяничнинг трансфери 52 миллион еврога, Артурники эса 56 миллион еврога баҳоланмоқда.