"Барселона" вингери Англияга йўл олиши мумкин — "Лидс" қизиқиш билдирмоқда

"Барселона" вингери Руни Бардагжи Англия Премьер-лигасида фаолиятини давом эттириши мумкин.

20 ёшли шведциялик футболчи ўтган мавсумда камроқ ўйин амалиётига эга бўлгани сабабли, каталонияликлар уни ижарага бериш вариантини кўриб чиқмоқда.

"TEAMtalk" хабарига кўра, Бардагжига Англиянинг "Лидс" клуби қизиқиш билдирмоқда. Ҳозирча футболчининг ўзи бу вариантга қандай муносабатда экани номаълум.

Руни Ханс-Дитер Флик бошқарувида 28 та учрашувда майдонга тушиб, 2 та гол ва 4 та голли узатма муаллифи бўлган.

Футболчининг "Барселона" билан амалдаги шартномаси 2029 йилга қадар мўлжалланган. "Лидс" эса ўтган мавсумни Англия чемпионатида 14-ўринда якунлаган.