"Барселона" вице-президенти: “Левандовскининг трансфери?”

"Барселона" вице-президенти Эдуард Ромеу "Бавария" ҳужумчиси Роберт Левандовскининг трансфери ҳақидаги саволга жавоб берди.

“Левандовскининг трансфери - мураббийлар штабининг энг катта орзуларидан бири. Роберт аллақачон бизнинг жамоага ўтиш истагини билдирган. Бу савиядаги ўйинчи "Барселона"га ўтмоқчилиги кўп нарсани англатади. Агар биз ўз ишимизни тўғри қилсак, яқин орада мухлисларни яхши янгилик билан хурсанд қиламиз”, - дея Ромеунинг сўзларини келтиради “Marca”.

Левандовски ўтган мавсумда "Бавария"нинг барча мусобақалар доирасидаги 46 та ўйинида майдонга тушиб, 50 гол ва 7 голли узатма муаллифига айланган. Унинг мюнхенликлар билан шартномаси 2023 йилнинг 30 июнига қадар мўлжалланган.