"Барселона" Ямал билан шартномасини узайтирмоқда

Каталониянинг "Барселона" клуби Испаниялик ҳужумчи Ламин Ямал билан 2031 йилгача бўлган шартномани узайтирмоқда. 
 
"Кўк-анорранглилар"нинг қанот ҳужумчиси Ямал ва унинг агенти Жорже Мендеш бугун каталонияликлар раҳбарияти билан учрашади. Бу ҳақда журналист Фабрицио Романо хабар бермоқда. Манбага кўра, учрашувда Ламиннинг 2031 йилгача мўлжалланган янги шартномаси имзоланади. Жорий мавсумда 17 ёшли Ямал барча мусобақаларда 55 та ўйинда майдонга тушиб, 18 та гол урди ва 25 та голли узатмани амалга оширди. 
 
Футболчининг "Барса" билан амалдаги шартномаси 2026 йилнинг ёзигача мўлжалланган. Трансфермаркт интернет портали маълумотларига кўра, ҳужумчининг нархи 180 миллион еврони ташкил этади.