"Барселона" яна бир трансферга қўл урди

"Лас-Палмас" ярим ҳимоячиси Педри "Барселона" футболчисига айланди.

16 ёшли футболчи Каталония клуби сафига ёзда қўшилади. Каталонияликлар футболчи билан 2 йилга шартнома имзолашди ва бу яна 2 йилга узайтирилиши мумкин.

Трансфернинг нарҳи "Барса" учун 5 млн еврога тушди ва яна қўшимча бонуслар ҳам бор. Бундан ташқари, футболчининг кейинги эҳтимолий трансферидан 15% улуш "Лас-Палмас"га тегади.

Маълумот учун, Педри Сегунданинг амалдаги мавсумида 3 бор майдонга тушди ва битта голли узатмани амалга оширди.