“Барселона” йўқ бўлиб кетиши мумкин

​“Барселона” бир неча йилдан бери давом этиб келаётган оғир дамлардан қутила олмаяпти. Клуб пора беришда айбланаётгани ҳолатни янада мураккаблаштирди.

Бу ишда клубнинг ўзи ва собиқ президентлар – Хосеп Бартомеу ва Сандро Россель айбланмоқда. Бундан ташқари, Ҳакамлар техник қўмитаси вице-президенти Хосе Мария Негрейра ва унинг ўғли ҳам гумондорлар қаторига киритилган. Негрейранинг ўша пайтда давлат хизматчиси сифатида ишлагани унинг жавобгарлигини янада оғирлаштириши айтилмоқда.

Британиянинг The Telegraph нашри бу ҳолат “Барселона”нинг тамоман йўқ бўлиб кетишига олиб келиши мумкин экан.

Айби исботланган тақдирда жиноятга қўл урганлар уч йилдан олти йилгача қамалади. “Барселона”нинг ўзи профессионал футбол клуби сифатидаги фаолиятидан четлатилиши мумкин. Бу ишлар 124 йиллик тарихга эга клубни банкротликка олиб боради, - деб ёзди The Telegraph нашри.

Бундан ташқари, айни пайтда “Барселона” кредиторлар олдида жуда катта сумма қарз экани таъкидланмоқда.