"Барселона" "Ювентус"га Суаресни сотиб олишни таклиф қилди

"Барселона" клуби форварди Луис Суарес фаолиятини "Ювентус"да давом эттириши мумкин.

TuttoJuve нашрининг ёзишича “кекса синьора” спорт директори Фабио Паратичи каталонияликлар вакиллари билан учрашган. Ўз навбатида “кўк-анор ранглилар” ПСЖдан Неймарни сотиб олишса, 32 ёшли уругвайлик футболчини қўйиб юборишга тайёр.

“Ювентус” эса Суаресни сотиб олиши учун Пауло Дибала, Марио Манжукич ёки Гонсало Игуаин каби ҳужумчиларидан бирини сотиб юбориши керак.

Маълумот учун, Суарес “Барселона” сафида 2014 йилдан буён тўп суриб келмоқда. У ўтган давр мобайнида жами 248та ўйинда майдонга тушди ва ўз ҳисобига 177та гол ҳамда 96та голли узатма ёздириб қўйишга эришган. Унинг каталонияликлар билан амалдаги шартномаси 2021 йилга қадар имзоланган.