"Барселона"да Мессининг рақамини олган футболчи яна жароҳат олди

"Барселона"нинг ҳужумкор ярим ҳимоячиси Ансу Фати "Реал"га қарши ўйинда (1:2) жароҳат олгани маълум бўлди.

"Асосий таркиб футболчиси Ансу Фати ўнг тиззасида ноқулайлик сезмоқда. Унинг кейинги ўйиндаги иштироки тиббий текширувлардан сўнг маълум бўлади", - дейилади клуб хабарида.

Эслатиб ўтамиз, Фати бундан аввал тиззасидан олган жароҳати туфайли деярли бир йил майдонга тушмаган эди.

Бугун, 27 октябрь куни “Барселона” сафарда “Райо Валекано”га қарши баҳс олиб боради.