“Барселона”да “Олтин тўп” олган вундеркиндни ПСЖ майдонга туширди

ПСЖ ўз майдонида “Сошо”га қарши ўртоқлик учрашувини ўтказди. Ушбу учрашувнинг иккинчи бўлимида парижликлар сафида “Барселона”да тарбияланган энг иқтидорли футболчилардан бири Ксави Симонс дебютини нишонлади.

17 ёшли нидерландиялик футболчи 2010 йилдан “Барселона” академиясида футбол сир-асрорларини ўрганган. У тўрт маротаба энг яхши ёш футболчиларга бериладиган “Олтин тўп” билан тақдирланган.  

ПСЖ бу футболчини ўтган йили қўлга киритган ва унга йилига 1 миллион евро маош тайинлаган. Симонснинг манфаатларини таниқли агент Мино Райола ҳимоя қилади.