“Барселона”да ўзини кўрсатолмаган юлдуз бошқа суперклубдан чорлов олди

Лионель Месси билан бирга ўйнаш илинжида “ювентус”дан “Барселона”га ўтишга рози бўлган Миралем Пьянич Каталония клубида ёрқин ўйин кўрсата олмади.

Босниялик пеймейкер ёзда ўзига бошқа жамоа топиши керак бўлади. Шунга қарамай, унга харидорлар етарлича. Хусусан, ПСЖ ва “Челси” Пьянични ўз таркибида кўрмоқчи.

Энди бу жамоалар қаторига “Бавария” ҳам қўшилди. Мюнхенликлар Миралем Пьянич майдон марказини кучайтириши ва голли ҳужумларни ташкил қилишига ишонч билдиряпти.

31 ёшли футболчи жорий мавсумда атиги 19 та учрашувда майдонга тушди холос. Унинг каталонияликлар билан ҳамкорлиги 2024 йилнинг ёзигача расмийлаштирилган. Миралемнинг трансфер суммаси 28 миллион еврога баҳоланмоқда.