"Барселона"дагилар босниялик ярим ҳимоячи Миралем Пьяничнинг жисмоний ҳолатидан норози бўлмоқда.

Diario Sport нашри тарқатган хабарга кўра, мураббийлар таътил пайтида Миралем ўз устида етарли ишламаган учун ҳам унга чидамлилик етишмаяпти, деб ҳисоблайди. Шунга қарамасдан, улар Пьяничнинг “Реал”га қарши ўйингача тўлиқ тикланишига ишонмоқда.

Пьянич “Барселона” сафига ёзда 60 млн евро эвазига “Ювентус”дан келиб қўшилган эди. У ҳозирча “кўк-анор ранглилар” сафида 2 та ўйинда майдонга тушди.

Матнда хатолик топсангиз, ўша хатони белгилаб, бизга жўнатинг (Ctrl + Enter)