“Барселона”дан бир жуфт трансфер кутишяпти

Янги мавсумда чемпионликни қайтариб олиш учун курашиши кутилаётган “Барселона” ёзда бир неча трансферларни амалга ошириши керак.

Mundo Deportivo нашрининг ёзишича, каталонияликлар икки трансферга яқин турибди. Манбага кўра, “Барселона” мутасаддилари “Зенит”дан Маркус Вендел ва “Атлетик”дан Нико Уильямсни олиб келишни режалаштирмоқда.

Испан нашрлари каталонияликлар ҳар икки трансферга қодир эканини ёзмоқда. Хусусан, Венделни олиш учун 20 миллион евро кифоя қилади.

Нико Уильямс учун эса, 60 миллион евро атрофида харажат қилишга тўғри келади.

“Барселона” янги мавсумда “Реал” ва бошқа кучли клубларга муносиб қаршилик кўрсатиши учун таркибини сезиларли даражада кучайтириши лозим.