“Барселона”га Бундеслигадаги вундеркинд керак

Каталония клуби скаутлари “Хоффенхайм”нинг 18 ёшли марказий ҳимоячиси Мелайро Богарде “Барселона”да тўп суришга муносиб эканини таъкидламоқда.

Куман жамоаси бу футболчини январь ойида ўз таркибига қўшиб олмоқчи. Богарденинг немис клуби билан амалдаги шартномаси ёзда якунланишини инобатга олсак, бу трансфер ортиқча қийинчилик туғдирмайди. Фақат каталонияликлар рақобатда “Милан”ни ортда қолдириши керак бўлади.

Богарде Бундеслигадаги дебютини ўтган мавсум нишонлаган эди. Ҳозирча у асосий таркибда учта учрашувда ўйнади.