“Барселона”га келган плеймейкер коронавирусдан азият чекмоқда

“Ювентус”дан “Барселона”га кўчиб ўтган Миралем Пьянич коронавирусга чалинди. Футболчи бу касаллик билан қандай курашаётганини айтиб берди.

- Мендан хавотир олаётганларга, ўзимни яхши ҳис қилаётганимни айтиб қўймоқчиман. Менда симптомлар билинмаяпти. Бу кунлар бизга дарс бўляпти. Қоидаларга амал қилайлик ва хотиржамликни таъминлайлик. Тез орада кўришгунча, - деб ёзади Пьянич ўз ижтимоий саҳифасида.

30 ёшли футболчи ўтган мавсумда Италия чемпионатида 29 та учрашувда майдонга тушиб, учта гол ва саккизта голли узатма муаллифи сифатида мамлакат чемпионлигини қўлга киритди.