"Барселона"га "Лацио" ҳимоячиси керак

Римнинг "Лацио" клуби ҳимоячиси Луис Фелипе "Барселона"нинг қизиқишлар доирасига кириб қолди.

Corriere dello Sport нашри тарқатган хабарга кўра, каталониялик скаутлар 22 ёшли бразилиялик футболчини бир неча ўйиндан буён диққат билан кузатиб келишмоқда.

Фелипенинг “Лацио” билан амалдаги шартномаси 2022 йилга қадар имзоланган. Бироқ, римликлар уни таркибда сақлаб қолишмоқчи ва бунинг учун у билан шартномани узайтиришга тайёр.

Маълумотларга қараганда, Луис Фелипенинг трансфери 20 млн еврога баҳоланмоқда. У жорий мавсум 23 та ўйинда майдонга тушди ва 1 та гол ҳамда 1 та голли узатмага муаллифлик қилди.