"Barselona"ga sig‘magan futbolchi "Manchester Yunayted"ga kerak bo‘lyapti

"Manchester Yunayted" jamoaning mudofaa chizig‘ini kuchaytira oladigan futbolchilarni topish ustida ishlamoqda. "The Sun" nashri xabariga ko‘ra, "qizil iblislar" "Barselona"ning sobiq futbolchisi Jan-Kler Todiboga qiziqish bildirmoqda. 23 yoshli himoyachi hozirda “Nitstsa” sharafini himoya qilmoqda.

Todiboning transfer narxi 35 million funt (40 million evro) atrofida bo‘lishi mumkin.

2023/2024 yilgi mavsumda Jan-Kler Todibo 11 o‘yin o‘tkazib, bitta golli uzatma amalga oshirgan. "Nitstsa" ayni damda Liga 1 turnir jadvalida ikkinchi o‘rinda bormoqda.