"Барселона"ни сақлаб қолиш учун қанча пул керак?

"Барселона" вице-президенти Эдуард Ромеу клубнинг молиявий аҳволи ҳақида гапирди.

"Вазият ҳали ҳам оғир. Аммо 2021 йилга нисбатан “Барселона” катта ўсишга эришди. Клубда аниқ режалар бор", — дея Ромеу сўзларини келтирган “Diario Sport”.

"Кўк-анорранглилар" вице-президенти бу вазиятдан чиқиш учун қанча маблағ кераклиги ҳам айтди.

“Энг катта зарар номутаносибликдан келиб чиқади. Камомад 500 миллион еврони ташкил қилади. Агар клуб вазиятни ўзгартирмаганида, бу суммага яна 150 миллион евро қўшилиши мумкин эди. "Барселона"ни сақлаб қолиш учун 500 миллион евро етарли", — дея қўшимча қилади Эдуард.

Маълумот ўрнида, “Барселона” ўтган мавсумда 38 ўйиндан сўнг 73 очко билан Ла Лига турнир жадвалида иккинчи ўринни эгаллади.