"Barselona"ning 2 nafar himoyachisi A Seriya klubiga ko‘chib o‘tishi mumkin

"Roma" yozgi transferlar davrida "Barselona"ning 2 nafar himoyachisi Xunior Firpo va Jan-Kler Todiboni o‘z safiga qo‘shib olmoqchi.

Mundo Deportivo nashri tarqatgan xabarga ko‘ra, “bo‘rilar” vakillari allaqachon ushbu futbolchilarning transferi bo‘yicha kataloniyaliklar bilan aloqaga chiqishgan. “Ko‘k-anor ranglilar” esa ushbu himoyachilarini har birini 25 million evrodan, ya’ni 50 million evroga baholamoqda.

Firpo joriy mavsum 17 ta o‘yinda maydonga tushdi va 1 ta gol hamda 1 ta golli uzatmaga mualliflik qildi. Todibo esa mavsumni “Shalke” safida ijarada o‘tkazmoqda.