"Барселона"нинг собиқ футболчиси: "Бу сўнгги йиллардаги энг ёмон “Эл класико”лардан бири бўлди"

Ла Лиганинг 10-туридан ўрин олган навбатдаги “Эл класико” баҳсида “Реал Мадрид” “Барселона”ни 2:1 ҳисобига мағлуб этди.

Мазкур учрашув ҳақида каталонияликларнинг собиқ футболчиси ва Испания терма жамоаси аъзоси Хулио Салинас ўз фикрини билдирди.

“Бу сўнгги йиллардаги энг ёмон класиколардан бири бўлди. Иккала жамоа ҳам яхши ҳолатда эмас, натижада эса кучсизроқ бўлган жамоа ғалаба қозонди”, — дея Салинаснинг сўзларини Mundo Deportivo нашри келтиради.

Маълумот учун, “кўк-анорранглилар” устидан қўзонланган ғалабадан сўнг мадридликлар Ла Лига турнир жадвалида биринчи ўринни мустаҳкамлаб олди. Хаби Алонсо шогирдлари ҳисобида 24 очко мавжуд. Ҳанси Флик бошқарувидаги “Барселона” эса 10 турдан сўнг 22 очко билан иккинчи поғонада бормоқда.