"Барселона"нинг собиқ ҳимоячиси "Сельта"га ўтди

"Сампдория" клуби ҳимоячиси Жейсон Мурильо "Сельта"га кўчиб ўтди. Бу ҳақда клуб расмий сайти хабар тарқатмоқда.

Юқоридаги манбаага кўра виголиклар 27 ёшли футбодчини кейинчалик сотиб олиш ҳуқуқи билан жорий мавсум охиригача ижарага олишган. У янги жамоасида 21-рақамда ўйнайди.

Маълумот учун, Мурильо ўтган мавсумни "Барселона"да ўтказган эди. У жорий мавсум "Сампдория" сафида 12 та ўйинда майдонга тушди.