Бартомеу Мессини менсимаяпти

“Барселона” президенти Бартомеу ва жамоа етакчиси Лионель Месси ўртасидаги келишмовчилик тобора кучайиб бормоқда. Бунга кўп жиҳатдан Бартомеу сабаб бўлмоқда.

Лионель Месси вазиятни можаросиз ҳал қилиш ва тинчгина кетиш мақсадида клуб раҳбариятини учрашувга таклиф қилган эди. Бироқ таклиф қилинмади ва рад жавоби берилди.

Бартомеу Месси билан учрашмоқчи эмас. Тўғрироғи, аргентиналик ҳужумчи қабул қилмайдиган шарт қўймоқда.  Унинг қарорига кўра, клуб раҳбарияти Месси билан фақатгина амалдаги шартномани узайтириш бўйича учрашиши мумкин. Кетиш масаласини кўриб ҳам чиқмайди.

“Барселона” раҳбарияти Мессининг клубдан кетиш йўли битта, яъни унга 700 миллион евро миқдорида товон пули тўланса амалга ошишини ва бошқа вариантларни тан олмаслигини намойиш қилмоқда.  

Бундан ташқари, Бартомеу бу вазият бўйича мухлислар фикрини инобатга олмаслигини билдирди. У нима иш қилган тақдирда ҳам танқидлар остида эканини таъкидлаган.