“Bavariya” asosiy yulduzidan voz kechdi

“Bavariya” keyingi yillarda juda ko‘p urib, jamoasining tarixiy g‘alabalarini ta’minlagan Robert Levandovskini sotib yuborishga qaror qildi.

Robert Levandovskiga ayni paytda “Manchester Siti”, PSJ va “Chelsi” kabi klublar jiddiy qiziqish bildirmoqda. Angliya klublari yangi mavsumda jamoaga yorda bera oladigan mag‘oratli hujumchi qidirmoqda. PSJ esa asosiy hujumchisi Kilian Mbappeni yangi shartnomaga ko‘ndira olmasa, o‘rniga polshalik to‘purarni taklif qilmoqchi.

“Bavariya” rahbariyati 32 yoshli futbolchiga 60 million evro miqdorida narx belgiladi.

Myunxenliklar bilan o‘zaro shartnomasi yana ikki yil davom etadigan Levandovski joriy mavsumda Bundesligada 26 ta uchrashuvda qatnashib, 36 ta gol urdi.