"Бавария" "Аякс"нинг бир йўла икки футболчисини сотиб олади

"Аякс" футболчиси Нуссаир Мазрауи "Бавария" билан келишувга эришди. Бу ҳақда таниқли журналист Фабрицио Романо хабар берди. 

Манбага кўра, ҳимоячи аллақачон тиббий текширувдан ижобий ўтган. Расмий хабар тез орада эълон қилиниши кутилмоқда.

Шунингдек, Амстердам клубининг яна бир вакили Райан Гравенберх ҳам Германия чемпионлари таркибига бориб қўшилиши айтилмоқда. Ушбу икки иқтидор эгаси мюнхенликлар бош мураббийи Юлиан Нагельсманн ва клуб бошқарув раиси Оливер Кан билан телефондаги суҳбатдан сўнг шундай қарорга келган.