“Бавария” “Барса” қадрламаган вундеркиндни олади

Чемпионлар лигаси ғолиби “Бавария” ўз таркибида “Барселона”нинг ёш ярим ҳимоячиси Педрини ўйнатишни истамоқда.

Мюнхенликлар 17 ёшли вундеркиндни сотиб олиш ҳуқуқи билан бир йилга ижарага олмоқчи. Бу футболчига “Бавария”нинг ашаддий рақиби “Боруссия” ҳам кўз тикаётган эди. Лекин музокаралар узоқ давом этганига қарамай, дортмундликлар “Барса”ни ўйинчини жўнатишга кўндира олмади.

Педри якунланган мавсумда ижара асосида “Лас-Пальмас” жамоасида ўтказди. У Сегундада 36 та ўйинда тўртта гол урди ва олтита голли узатмага муаллифлик қилди.