"Бавария" бу футболчи билан узоқ йиллик шартнома имзолаш арафасида

Мюнхеннинг “Бавария” клуби германиялик футболчи Серж Гнабри билан янги шартнома имзолаши мумкин.

Журналист-инсайдер Николо Скиранинг сўзларига қараганда, янги шартнома 2026 йилнинг ёзига қадар амал қилади. Манбага кўра, томонлар аллақачон музокараларнинг якуний босқичида.

Олдинроқ немис гранди тез орада ҳужумкор ярим ҳимоячи Кингсли Коман билан ҳам шартномани узайтирмоқчи экани ҳақида хабар берилганди.

Гнабри жорий мавсумда Бундеслигада 18 та ўйин ўтказиб, 9 та гол ва 3 та голли узатмани амалга оширди.