"Бавария" ҳам ПСЖ юлдузи учун курашга қўшилди

ПСЖ дарвозабони Жанлуижи Доннарумма "Бавария"нинг трансфер рўйхатига кирди.

Аввалроқ парижликлар уни УЕФА Суперкубоги учрашувига чақирмагани ва ёзда сотиши мумкинлиги маълум қилинган эди. Журналист Альфредо Педулланинг маълумотига кўра, Мюнхенликлар италиялик посбон ҳақидаги маълумотларни январдан бери тўплаб келмоқда. Кутилганидек, 2025/26 йилги мавсум Мануэль Нойер учун охиргиси бўлиши мумкин.

Доннаруммани қўлга киритиш учун эса "Манчестер Сити" ҳам даъвогар сифатида қайд этилган. Илгарироқ "Челси" ва "Манчестер Юнайтед"нинг қизиқиши ҳақида хабарлар тарқалган, аммо ҳозирча бу маълумотлар тасдиқланмаган.

Италия клублари эса фақат бепул трансферга умид қила олади, бу эса бу ҳолатда деярли имконсиз.