"Бавария" ҳимоячисига "Милан" ва "Ювентус" қизиқиш билдирмоқда

"Бавария" марказий ҳимоячиси Ким Мин Жае А Серияга қайтиши мумкин. "La Gazzetta dello Sport" нашрининг хабарига кўра, "Милан" ва "Ювентус" жанубий кореялик футболчига қизиқиш билдирмоқда.

Иккала клуб ҳам январ ойидаёқ "Наполи"нинг собиқ футболчиси ўз сафига қўшиб олишга тайёр. "Ювентус" жароҳат олган Глейсон Бремернинг ўрнида айнан осиёлик ҳимоячини кўрмоқда.

Бироқ Ким Мин Жаенинг "Бавария"даги маоши катта ва бу муаммо бўлиши мумкин. Трансфермаркт 28 ёшли футболчининг нархини 32 миллион еврога баҳоламоқда. Унинг мюнхенликлар билан амалдаги шартномаси 2028 йилгача мўлжалланган.