“Бавария”: Кетса, кузатиб қўямиз!
“Бавария” ижрочи директори Карл-Хайнц Румменигге жамоага саккиз йиллик умрини бағишлаган Хави Мартинес омадини бошқа жойда синаб кўриш ҳақидаги фикри инобатга олинишини ва унга яхши таклиф бўлса, клуб уни албатта кўриб чиқишини маълум қилди.
-Биз у яхши таклиф кутаётганини ва клубдан кетиш ниятидалигини биламиз. Биз унга тўсқинлик қилмаймиз. У доимо яхши ўйнаган ва ўз ишига жиддий ёндошган. Хави учун энг яхши вариантни танлашга ҳаракат қиламиз, - деди Румменигге.
31 ёшли испаниялик футболчи “Бавария”га 2012 йили “Атлетик” жамоасидан олиб келинган. Мюнхенликлар таркибида у 19 та совринни қўлга киритди. Унинг амалдаги шартномаси келаси йили якунланади.
Хави Мартинесга келаси мавсумда Чемпионлар лигасида ўйнайдиган “Ренн” клуби жиддий қизиқиш билдирмоқда.
Фикрлар