"Bavariya" Komanga yangi shartnoma taklif qiladi

"Bavariya" klubi rahbariyati jamoa hujumchisi Kingsli Komanga yangi shartnoma taklif qilmoqchi.

FootMercato nashri tarqatgan xabarga ko‘ra nemis grandi 23 yoshli frantsiyalik futbolchi bilan 2025 yilga qadar shartnoma imzolamoqchi. Biroq, Koman hali bu boradagi taklifga rozilik bildirishga shoshilmayapti. Boisi, agar “Bavariya” yozda “Manchester Siti”dan Leroy Saneni sotib olsa, u holda tarkibda jiddiy raqobat paydo bo‘lishi mumkin.

Ma’lumot uchun, Koman joriy mavsum “Bavariya” safida 24 ta o‘yinda maydonga tushdi va o‘z hisobiga 5 ta gol hamda 5 ta golli uzatma yozdirib qo‘yishga erishdi.