"Бавария" "Ливерпуль"га кетишни хоҳлаётган футболчисини қанчага қўйиб юборади?

"Бавария" клуби раҳбарияти шартномани узайтиришни хоҳламаётган ярим ҳимоячи Тьяго Алькантарани сотиб юборишга тайёр.

Goal.com сайти тарқатган хабарга қараганда, мюнхенликлар 29 ёшли испаниялик футболчининг трансферини 50 миллион еврога баҳоламоқда. Унинг ўзи эса "Ливерпуль"га ўтмоқчи.

Алькантара бу мавсум “Бавария” сафида 35 та ўйинда майдонга тушди ва 3 та гол ҳамда 2 та голли узатмага муаллифлик қилди. Унинг клуб билан амалдаги шартномаси бир йилдан сўнг ўз ниҳоясига етади.

Фикрлар

Фикр қолдириш учун авторизациядан ўтинг!