"Бавария" Мюллер билан келишиб олди

Томас Мюллер “Бавария” билан шартномани узайтириш борасида келишиб олди. Бу ҳақда "SportBild" нашри хабар берди. Футболчининг янги меҳнат шартномаси 2025 йилнинг ўрталарига қадар тузилади. Бу ҳафта трансфер расмий эълон қилиниши кутилмоқда.

Мюллер бутун фаолиятини "Бавария"да ўтказди. 34 ёшли ҳужумчи мюнхенликлар сафида 684 та расмий ўйинда 237 та гол урган ва шерикларига 261 та голли узатма берган.

Эслатиб ўтамиз, айни дамда "қизиллар" Германия Бундеслигаси турнир жадвалида иккинчи ўринни эгаллаб турибди.