"Бавария" навбатдаги чемпионлиги учун катта қадам ташлади

Германия Бундеслигаси 27-туридан ўрин олган йил ўйини - "Лейпциг" - "Бавария" баҳси ўз ниҳоясига етди. Учрашув мюнхенликларнинг 0:1 ҳисобидаги ғалабаси билан якунланди.

Ўйин тақдирини ҳал қилган ягона голга 38-дақиқада Леон Горецка муаллифлик қилди. Томас Мюллер ушбу голга ассистентлик қилди. Ушбу гол "Бавария"га 3 очко олиб келди.

Ушбу ғалабадан сўнг амалдаги чемпионлар ўз очколари сонини 64 тага етказиб олган ҳолда энг яқин таъқибчиси "Лейпциг" билан орадаги фарқни 7 тага етказди ҳамда чемпионлик учун жуда катта қадам ташлади. "Лейпциг" эса 2-ўрин учун "Вольфсбург" билан кураш олиб боради.

• 90+4'
  

  Учрашув якунланди! "Бавария" Горецканинг ягона голи эвазига ғалабани қўлга киритиб, чемпионлик учун катта қадам ташлади. Эътиборингиз учун раҳмат!

• 90+'
  

  Учрашувга 3 дақиқа вақт қўшиб берилди.

• 88'
  

  Ўзгариш: заҳирадан майдонга тушган Поулсен яна заҳирага қайтади. Унинг ўрнига ўйинни Ибраҳим Конате тугаллаб қўяди.

• 86'
  

  Ўта тартибли ҳимояланаётган "Бавария"га қарши "Лейпциг"нинг навбатдаги бурчак зарбаси ҳам иш бермади.

• 83'
  

  Бурчакдан тўпни "Лейпциг" ўйинга киритиб беради.

• 82'
  

  Люка Эрнандес сариқ карточка билан огоҳлантирилди.

• 81'
  

  Ўзгариш: Лерой Сане ўрнига Хави Мартинез ўйинни давом эттиради.

• 77'
  

  Ажойиб сейв! Мюллернинг пастги чап бурчакка берган зарбасини Гулачи бартараф эта олди.

• 75'

  Мусиала жарима майдончаси ичига тўпни ажойиб тарзда ташлаб берди, бироқ қулай имкониятдан фойдаланадиган футболчи топилмади.

• 74'
  

  "Лейпциг"да ҳам ўзгариш: Дани Ольмо ўрнига Юссуф Поулсен, Александр Сорлот ўрнига Амаду Ҳайдара ўйинни давом эттирадиган бўлди.

• 72'
  

  "Бавария"да 2 ўзгариш: Кингсли Коман ўрнига Серж Гнабри, гол муаллифи Леон Горецка ўрнига эса Жамал Мусиала ўйинга қўшилди.

• 68'
  

  "Лейпциг"нинг навбатдаги бурчак зарбаси ҳам ҳимоячилар томонидан блокланди.

• 64'
  

  Нкунку бурчакдан тўпни ўйинга киритиб беради.

• 62'

  Упамекано сариқ карточкалари сони 5 тага етиб келгани боис, навбатдаги ўйинни ўтказиб юборади.

• 61'
  

  Дайо Упамекано сариқ карточка билан жазоланди.

• 60'
  

  Бурчакдан тўпни "Лейпциг" ўйинга киритиб беради.

• 59'
  

  Забицер жарима майдончаси ичида тўпни қабул қилиб олди, палапартиш ҳужум бурчак тўпи ишлаб олиниши билан якунланди.

• 55'

  Горецканинг кучли зарбасига аниқлик етишмади. Тўпни Гулачи ўйинга киритади.

• 53'
  

  Дани Ольмо офсайдда қолиб кетди.

• 50'

  Забицернинг жарима майдончаси ичига узатмасига аниқлик етишмади.

• 47'
  

  Киммих амалга оширган бурчак тўпини ҳимоячилар узоқлаштирди.

• 46'
  

  "Лейпциг"да ўзгариш: Эмиль Форсберг ўрнига Кльюйверт ўйинга қўшилди.

• 46'
  

  Иккинчи бўлим бошланди.

• 46'

  Футболчилар майдонга қайтишмоқда. Биз ҳам қайтамиз.

• 45+1'
  

  Танаффус.

• 45+'
  

  1 дақиқа вақт қўшиб берилди

• 44'
  

  Навбатдаги бурчак тўпи. Киммих уни ижро этади.

• 43'
  

  Бурчакдан тўпни Киммих ўйинга киритиб берди, бироқ жамоадошлари уни тушунмади.

• 42'
  

  Мюллер офсайдда қолиб кетди.

• 38'
  

  ГООООООООООООООООЛЛЛ!!! Суперкомбинация! Мюллер жарима майдончаси ичида 2 ҳимоячини алдаб ўтди ва ажойиб позицияда турган Горецкани топиб, унга тўпни етказди! Леон "Скоре"цка эса кучли зарбаси билан дарвозани ишғол қилди! 0-1!

• 37'
  

  Марсел Забицер қўполлиги учун сариқ карточка олди.

• 34'

  Дани Ольмо тўпни қанотдан жарима майдончаси ичига етказди, бироқ унга ҳеч ким эга чиқа олмади.

• 33'
  

  Қўпол фоли учун Жошуа Киммих сариқ карточка билан огоҳлантирилди.

• 30'

  Шупо-Мотинг жарима майдончаси ичида ажойиб позиция танлаган эди, бироқ унинг зарбасига аниқлик етишмади.

• 28'

  Коман тўпни Мюллерга етказди, дарвозабон эса Томас тўпни эгаллагунга қадар уни эгаллаб олди.

• 26'
  

  Мукиэле сариқ карточка билан огоҳлантирилди.

• 23'

  Команнинг дриблинги "Лейпциг" ҳимоячиларига иш бермади, ажойиб ҳаракат.

• 20'
  

  Нкунку офсайдда қолиб кетди.

• 18'

  Зюле агрессив ўйнади. Ҳакам жарима зарбаси белгилади.

• 15'
  

  Бурчакдан тўпни Киммих ўйинга киритиб беради.

• 14'

  Шифокорларнинг ёрдами самара берди. У ўйинни давом эттира олади.

• 12'
  

  Норди Мукиэле майдонда тиббий ёрдам олмоқда. Ўйинни давом эттира олса керак.

• 11'
  

  Кристофер Нкунку бурчакдан тўпни ўйинга киритиб беради. "Бавария" ишонч билан ҳимояланмоқда.

• 9'

  Саненинг жарима майдончаси ичига амалга оширган кросси ҳимоячилар томонидан блокланди.

• 7'

  Горецка қўполлик эвазига рақибини тўхтатиб қолди. Ҳакам уни оғзаки огоҳлантирди.

• 5'
  

  Кингсли Коман офсайдда қолиб кетди.

• 3'

  Жарима майдончаси ичига узатилган тўпни Тайлер Адамс тезкорлик билан узоқлаштирди.

• 1'
  

  Учрашув бошланди!