"Bavariya" Oliseni "Real"ga sotish niyatida emas

Myunxenning &quot,Bavariya&quot, klubi vinger Maykl Olise bo‘yicha o‘z pozitsiyasini ma’lum qildi.

Avvalroq &quot,Real&quot, prezidenti Florentino Peres saylovda g‘alaba qozongan taqdirda top-klublardan birining futbolchisi uchun kamida 150 million yevro taklif qilishini aytgan edi. Ayrim OAVlar gap aynan Maykl Olise haqida ketayotganini yozdi.

Jurnalist Matteo Morettoning ma’lum qilishicha, &quot,Bavariya&quot, fransiyalik futbolchini hatto 150 million yoki 200 million yevro taklif qilinsa ham sotishni rejalashtirmayapti.

Hozircha Olisening o‘zi kelajagini &quot,Bavariya&quot, bilan bog‘lashni xohlayaptimi yoki madridliklarga o‘tishni istayaptimi, bu noma’lumligicha qolmoqda.

Ma’lumot uchun, Olise o‘tgan Bundesliga mavsumida 32 ta uchrashuvda ishtirok etib, 15 ta gol va 19 ta assist qayd etgan.